സചിന് തെന്ഡുല്ക്കര് എന്നു കേട്ടിട്ടുണ്ടോ? ഇന്ത്യാമഹാരാജ്യത്തെ ഒരു വലിയ സംഭവമാണ്. ഞാന് പറഞ്ഞിട്ടു വിശ്വാസം വരുന്നില്ലെങ്കില് തൊലിവെളുപ്പുള്ളവര് പറയുന്നതു കേള്ക്കുക (1, 2, 3). ഫെറാറിയുണ്ടെങ്കിലും ഓസിനു യാത്രചെയ്യും. എങ്കിലെന്ത്? ഓന് കഴിഞ്ഞേ നമുക്കൊരു ആട്ടക്കാരനുള്ളൂ. (ആട്ടക്കാരന് = batsman in Tamil.)
ഇത്രയുമൊക്കെ ആയിട്ടും പലര്ക്കും സചിന് എന്നു കേട്ടാല് തികട്ടിവരും. അസത്യങ്ങളും അര്ദ്ധസത്യങ്ങളും പറഞ്ഞ് അവര് നിങ്ങളെ ഗാംഗുലി/ദ്രാവിഡ് ഫാന്സ് ആക്കും. സചിന്റെ കളി പോരാത്രേ. ആ അസ്കിത മാറ്റാന് ഒരു വഴിയുണ്ട്. ആദ്യ പടിയായി ഇതു വായിച്ചാല് മതി. പിന്നെയുള്ളത് പിന്നെ.
പറഞ്ഞുവന്ന കാര്യത്തിലേയ്ക്ക് വരാം. ലോകം മുഴുവന് സചിന്റെ അപദാനങ്ങള് വാഴ്ത്തിപ്പാടുമ്പോള് കൂട്ടത്തില്പ്പാടിയേക്കാം എന്ന നിലയ്ക്ക് ഒരു വൈദ്യനാഥനും ഇറക്കി ഒരു ഓര്മ്മക്കുറിപ്പ്: സചിന് എന്റെ കളിത്തോഴന് എന്ന പേരില്. (പരിഭാഷയില് പരിഭവമരുത്. പരഭാഷാ പരിജ്ഞാനം പരിമിതമാണ്.) എഴുത്തിന്റെ പോക്കുകണ്ടിട്ട് മേല്പ്പടിക്കാരനും ഞാനും ഒരേ പ്രായമാവാനാണു സാദ്ധ്യത. നൊസ്റ്റാള്ജിയയും ജോലിയോടുള്ള വിരോധവും ക്രിക്കറ്റുപ്രേമവും ഒക്കെ എന്നെപ്പോലെ തന്നെ. ആദ്യവായനയില് ലേഖനം ഞാനാണോ എഴുതിയത് എന്നുപോലും ശങ്കിച്ചു.
ഇതു വായിച്ചശേഷം കനത്ത മനസ്സും കറുത്ത മുഖവുമായി ഞാന് ചെന്നെത്തിയതോ സിദ്ധാര്ത്ഥ വൈദ്യനാഥന് തന്നെ കോറിയിട്ട ഇരുപതാണ്ടിന് മാന്ത്രികം (പരിഭാഷയെപ്പറ്റി മുകളില് പറഞ്ഞത് വീണ്ടും വായിക്കുക) എന്ന ഈ ലേഖനത്തില്. കരയിപ്പിക്കാതെടാ കഴുവേറീ എന്നു പറയണമെന്ന സ്ഥിതിയായി.
അതും കഴിഞ്ഞു ചെന്നത് പുലിമടയില് തന്നെ. വെറുതേയിരിക്കുമ്പോള് ബ്ലോഗുന്ന വൈദ്യന്റെ സ്വന്തം ബ്ലോഗില്. അവിടെ അദ്ദേഹം ഡിസംബര് 23-ന് എഴുതിപ്പിടിപ്പിച്ചതെന്താണെന്നോ? സചിനെ ഇന്ത്യന് ടീമില് നിന്നും തഴയണമെന്ന്. ആ പറഞ്ഞ നാവിനാണ് വിരമിക്കല് വാര്ത്ത കേട്ടയുടന് സചിന് പുന്നാരമനുഷ്യനായത്. മരണശേഷം ബാല് താക്കറേ മഹത്മജിയെ കടത്തിവെട്ടിയതിലും അക്രമമായിപ്പോയി ഇത്.
എന്തെരെടേ ഇത് വൈദ്യനാഥാ ഇങ്ങനെ മുതലക്കണ്ണീരൊക്കുന്നത്? പണ്ട് ബുഷ് പറഞ്ഞതു പോലെ, ഒന്നുകില് നീ സചിന്റെ ടീമില് അല്ലെങ്കില് നീ എതിര്പക്ഷം. രണ്ടു ടീമിലും കൂടെ കളിക്കല്ലേടേ വൈദ്യ... നാഥാ! നിന്നെ നമ്മള് സചിന് ഫാന്സ് എല്ലാരും കൂടെ കളിപഠിപ്പിക്കുമേ!
Showing posts with label സ്പോര്ട്സ്. Show all posts
Showing posts with label സ്പോര്ട്സ്. Show all posts
Thursday, December 27, 2012
Saturday, August 23, 2008
രാജ് ഭവ്സാറിനെ ആഘോഷിക്കേണ്ടേ?
മോഹിനി ഭരദ്വാജിനും അലക്സി ഗ്രേവാളിനും ശേഷം ഒളിമ്പിക് മെഡല് കിട്ടുന്ന മൂന്നാമത്തെ ഇന്ത്യന് വംശക്കാരനാണ് രാജ് ഭവ്സാര്. അനുഭവ് ബിന്ദ്രയ്ക്ക് മെഡല് കിട്ടിയതിനാലാവണം രാജിന്റെ നേട്ടം ആഘോഷിക്കാന് ഇന്ത്യന് മാധ്യമങ്ങള് മറന്നുപോയത്.
ഒരു കണക്കില് നോക്കിയാല് നമ്മള് ഇന്ത്യക്കാരേയും ഇന്ത്യന് വംശജരേയും ആഘോഷിച്ചാല് മതിയോ? മനുഷ്യകുലത്തിന്റെയാകെ ചരിത്രം ഒരിടത്തുനിന്നു തുടങ്ങുന്നതിനാല് നമുക്ക് എല്ലാവരുടേയും വിജയം ആഘോഷിക്കാം.
ഒരു കണക്കില് നോക്കിയാല് നമ്മള് ഇന്ത്യക്കാരേയും ഇന്ത്യന് വംശജരേയും ആഘോഷിച്ചാല് മതിയോ? മനുഷ്യകുലത്തിന്റെയാകെ ചരിത്രം ഒരിടത്തുനിന്നു തുടങ്ങുന്നതിനാല് നമുക്ക് എല്ലാവരുടേയും വിജയം ആഘോഷിക്കാം.
Thursday, August 21, 2008
കമന്റടിക്കാര്
ക്രിക്കറ്റ് കമന്ററിയുടെ വസന്തകാലത്ത്, റേഡിയോയിലൂടെ ഇംഗ്ലീഷിലും ഹിന്ദിയിലും മാറിമാറി കമന്ററി കേട്ടാസ്വദിച്ചിരുന്ന കാലത്തിന്റെ സന്തതിയാണു ഞാന്. പിന്നീടു വന്ന റ്റെലിവിഷന് കമന്ററിക്കാര് ചുണ്ടു ചുമപ്പിച്ച സുന്ദരികളുടെ പിറകേ പോയി കാര്യമായി ‘കമന്റടി’ നടത്തിയപ്പോഴും എന്റെ ക്ഷമ പാടേ നശിച്ചിരുന്നില്ല.
എന്നാല്, ആയ കാലത്തു കഞ്ചാവടിച്ചു നടന്ന ലക്ഷ്മണ് ശിവരാമകൃഷ്ണന്റെ തമാശകള് എന്നെ ദേഷ്യം പിടിപ്പിക്കുന്നു. ചാനലുകാര് പറഞ്ഞു പഠിപ്പിച്ചതെന്നു തോന്നുന്ന ഏതാനും വാക്കുകള് തത്ത പറയുമ്പോലെ തിരിച്ചു പറയുമ്പോള് എനിക്കയാളോട് നീരസമാണ്. 16 റ്റെസ്റ്റു കളിച്ചിട്ട് ഒരു സെഞ്ച്വറി പോലും നേടാത്ത (93 ആയിരുന്നു ഉയര്ന്ന സ്കോര്) അരുണ്ലാല്, സചിനും ദ്രാവിഡും ലക്ഷ്മണും മെന്ഡിസിനെ കളിക്കേണ്ടതെങ്ങനെയാണ് എന്നു വിശദീകരിക്കുമ്പോഴും തികട്ടി വരുന്ന വികാരത്തിനു മാറ്റമില്ല. “They should use their feet" എന്നൊക്കെ തട്ടിവിടുമ്പോള് ഇദ്ദേഹത്തിന് ഉളുപ്പില്ലേ എന്ന് എനിക്കു മാത്രമേ തോന്നാറുള്ളോ?
എന്നാല്, ആയ കാലത്തു കഞ്ചാവടിച്ചു നടന്ന ലക്ഷ്മണ് ശിവരാമകൃഷ്ണന്റെ തമാശകള് എന്നെ ദേഷ്യം പിടിപ്പിക്കുന്നു. ചാനലുകാര് പറഞ്ഞു പഠിപ്പിച്ചതെന്നു തോന്നുന്ന ഏതാനും വാക്കുകള് തത്ത പറയുമ്പോലെ തിരിച്ചു പറയുമ്പോള് എനിക്കയാളോട് നീരസമാണ്. 16 റ്റെസ്റ്റു കളിച്ചിട്ട് ഒരു സെഞ്ച്വറി പോലും നേടാത്ത (93 ആയിരുന്നു ഉയര്ന്ന സ്കോര്) അരുണ്ലാല്, സചിനും ദ്രാവിഡും ലക്ഷ്മണും മെന്ഡിസിനെ കളിക്കേണ്ടതെങ്ങനെയാണ് എന്നു വിശദീകരിക്കുമ്പോഴും തികട്ടി വരുന്ന വികാരത്തിനു മാറ്റമില്ല. “They should use their feet" എന്നൊക്കെ തട്ടിവിടുമ്പോള് ഇദ്ദേഹത്തിന് ഉളുപ്പില്ലേ എന്ന് എനിക്കു മാത്രമേ തോന്നാറുള്ളോ?
Tuesday, August 12, 2008
ഇന്ത്യയും ചൈനയും
അനന്തമായ താരതമ്യസാദ്ധ്യതകളുള്ള രണ്ടു രാജ്യങ്ങളാണ് ഇന്ത്യയും ചൈനയും. കഴിഞ്ഞ അഞ്ചുവര്ഷത്തിനിടയില് ഇത്രയും താരതമ്യ പഠനങ്ങള് നടന്ന എക്കണോമികള് ഉണ്ടാവാന് സാദ്ധ്യതയില്ല. ഏതു വര്ഷത്തിലാണ് ഇന്ത്യയോ ചൈനയോ അമേരിക്കയേയും മറ്റു വികസിത എക്കണോമികളേയും പിന്തള്ളുന്നത് എന്ന ചോദ്യം മാത്രമേ ബാക്കിയുണ്ടായിരുന്നുള്ളൂ.
ഒളിമ്പിക്സിന്റെ ഉദ്ഘാടനച്ചടങ്ങുകണ്ടവരുടെ മനസ്സിലേയ്ക്ക് ഈ താരതമ്യപഠനം ഓടിയെത്തിയിട്ടുണ്ടാവില്ല. അതുകഴിഞ്ഞ് ഒളിമ്പിക്സില് ചൈനയുടെ ജൈത്രയാത്ര കാണുന്നവരിലും ഇന്ത്യ താരതമ്യമര്ഹിക്കുന്ന ഒരു രാജ്യമായി ഉയര്ന്നുവന്നിരിക്കാനിടയില്ല. അഭിനവിന്റെ നേട്ടത്തെ ഒട്ടും താഴ്ത്തിക്കെട്ടാതെ പറയട്ടെ, ഈ ഉത്സവാഘോഷങ്ങള് കാണുമ്പോള് നമ്മുടെ പ്രതീക്ഷകള് എന്തുമാത്രം താഴെയാണെന്ന് ലജ്ജയോടുകൂടി ഓര്ത്തുപോകുന്നു.
അത്ലറ്റിക്സിലും ഫുട്ബോളിലും കേരളത്തിനുണ്ടായിരുന്ന മുന്തൂക്കം ഇന്ന് നഷ്ടപ്പെടുന്നതിന് ഒരു പരിധി വരെ ക്രിക്കറ്റ് കാരണമാവുന്നുണ്ട്. ഇന്ത്യയിലെ എത്ര ഗ്രാന്ഡ് മാസ്റ്റര്മാരെ നിങ്ങള്ക്കറിയാം?
ഇന്ത്യ സാമ്പത്തികമായി ഉയരുന്നതോടെ, ക്രിക്കറ്റിലേയ്ക്കൊഴുകുന്ന പണത്തിന്റെ ആയിരത്തിലൊരംശം മറ്റു കേളീരംഗത്തേയ്ക്കുമൊഴുകുമെന്ന് പ്രതീക്ഷിക്കാനാണെനിക്കിഷ്ടം.
ഒളിമ്പിക്സിന്റെ ഉദ്ഘാടനച്ചടങ്ങുകണ്ടവരുടെ മനസ്സിലേയ്ക്ക് ഈ താരതമ്യപഠനം ഓടിയെത്തിയിട്ടുണ്ടാവില്ല. അതുകഴിഞ്ഞ് ഒളിമ്പിക്സില് ചൈനയുടെ ജൈത്രയാത്ര കാണുന്നവരിലും ഇന്ത്യ താരതമ്യമര്ഹിക്കുന്ന ഒരു രാജ്യമായി ഉയര്ന്നുവന്നിരിക്കാനിടയില്ല. അഭിനവിന്റെ നേട്ടത്തെ ഒട്ടും താഴ്ത്തിക്കെട്ടാതെ പറയട്ടെ, ഈ ഉത്സവാഘോഷങ്ങള് കാണുമ്പോള് നമ്മുടെ പ്രതീക്ഷകള് എന്തുമാത്രം താഴെയാണെന്ന് ലജ്ജയോടുകൂടി ഓര്ത്തുപോകുന്നു.
അത്ലറ്റിക്സിലും ഫുട്ബോളിലും കേരളത്തിനുണ്ടായിരുന്ന മുന്തൂക്കം ഇന്ന് നഷ്ടപ്പെടുന്നതിന് ഒരു പരിധി വരെ ക്രിക്കറ്റ് കാരണമാവുന്നുണ്ട്. ഇന്ത്യയിലെ എത്ര ഗ്രാന്ഡ് മാസ്റ്റര്മാരെ നിങ്ങള്ക്കറിയാം?
ഇന്ത്യ സാമ്പത്തികമായി ഉയരുന്നതോടെ, ക്രിക്കറ്റിലേയ്ക്കൊഴുകുന്ന പണത്തിന്റെ ആയിരത്തിലൊരംശം മറ്റു കേളീരംഗത്തേയ്ക്കുമൊഴുകുമെന്ന് പ്രതീക്ഷിക്കാനാണെനിക്കിഷ്ടം.
Subscribe to:
Posts (Atom)
