മലയാളം പറയുന്നതിന് മലയാളിക്ക് അഭിനന്ദനങ്ങള്‍! എന്തോ അപാകത തോന്നുന്നില്ലേ? ഒട്ടും തോന്നേണ്ടതില്ല. അതാണ് ഇപ്പോഴുള്ള ട്രെന്‍റ്.
റ്റിവി തുറന്നു വച്ചപ്പോള്‍ കണ്ട ഒന്നിലധികം പരിപാടികളില്‍ രണ്ടുമിനുട്ടോ മറ്റോ ഉള്ള സംഭാഷണത്തിനിടയ്ക്ക് ഒരു വിദേശഭാഷാപദവും (പ്രത്യേകിച്ച് ഇംഗ്ലീഷ്) കടന്നു വരാതിരുന്നാല്‍ അഭിനന്ദനവര്‍ഷത്തോടൊപ്പം സമ്മാനം കൊടുക്കുന്ന പരിപാടിയും കണ്ടു. ശിവ, ശിവ, ഇനി എന്തെല്ലാം കാണേണ്ടിയിരിക്കുന്നു.
എന്‍റെ കഴിഞ്ഞ പോസ്റ്റുകളിലെല്ലാം ഏതെങ്കിലും ഇംഗ്ലീഷു വാക്കു കടന്നു വന്നതിനാല്‍ ഈ അവാര്‍ഡിനും ഞാന്‍ അര്‍ഹനല്ല. എന്നാലും ഈ പരിപാടി കണ്ടപ്പോള്‍ ഒരു ഇത്. “കര്‍ക്കടകവാവു സ്നാനത്തിനു ഇവിടെക്കാണുന്ന മറ്റൊരു സവിശേഷത, കടല്‍ത്തീരത്തേയ്ക്ക് ആളുകള്‍ ഒറ്റയ്ക്കോ കൂട്ടമായോ വന്നെത്തുന്നു എന്നതാണ്” എന്ന് റിപ്പോര്‍ട്ടു ചെയ്യുന്നയാള്‍ ജോലിചെയ്യുന്ന ചാനലില്‍ നിന്നും മലയാളത്തിനു വേണ്ടി ഇതില്‍ കൂടുതല്‍ പ്രതീക്ഷിക്കരുത്.
നീന്തുത്തുടിക്കുന്ന മീനിനെ അഭിനന്ദിക്കാം. വരിതെറ്റാതെ പോകുന്ന ഉറുമ്പുകള്‍ക്കും അഭിനന്ദനം ചൊരിയാം. പുല്ലുതിന്നുന്ന മാനുകളെ അഭിനന്ദിക്കാം. പറക്കുന്ന പറവകളെ അഭിനന്ദിക്കാം. ഇവരുടെയൊക്കെ അഡ്രസ്സു കിട്ടിയാല്‍ സമ്മാനവും അയച്ചുകൊടുക്കാം.
Subscribe to:
Post Comments (Atom)
1 comment:
താങ്കളുടെ അഭിപ്രായത്തോട് യോജിക്കുന്നു.
Post a Comment